لاہور ائیرپورٹ پر پی آئی اے کے جہاز سے پرندہ ٹکرا گیا، کس کے باعث اسکا ایک انجن فیل ہوگیا۔
پی آئی اے حکام نے بتایا کہ لاہور ائیرپورٹ پر شارجہ سے آنے والی پرواز پی کے 258 سے پرندہ ٹکرایا تاہم پائلٹ نے مہارت کے ساتھ محفوظ لینڈنگ کی جس سے تمام 168 مسافر محفوظ رہے۔
پرندہ ٹکرانے کے باعث طیارے کے انجن کو نقصان پہنچا جس کے باعث طیارہ پرواز کے قابل نہیں رہا۔
پی آئی اے حکام کے مطابق کراچی کی انجینئرنگ ٹیم طیارے کا معائنہ کرے گی جس کے بعد ہی نقصان کا اندازہ لگایا جائے گا۔
جبکہ حادثے کے بعد طیارے کا انجن ناکارہ ہونے پر دبئی جانے والی فلائٹ منسوخ کردی گئی ہے۔
ائیرپورٹ ذرائع کا بتانا ہےکہ دو ہفتے کے دوران چار سے زائد ہوائی جہاز برڈ ہِٹ کا شکار ہوچکے ہیں۔
