صدر مملکت ڈاکٹر عارف علوی کا کہنا ہے اللہ تعالیٰ گواہ ہے، میں نے آفیشل سیکریٹ ایکٹ اور آرمی ایکٹ ترمیمی بل پر دستخط نہیں کیے۔
صدر عارف علوی نے ایکس(ٹوئٹر) پرانگریزی اور اردو میں اپنے زاتی اکاؤنٹ سے بیان دیا کہ میں آفیشل سیکریٹ ایکٹ اور آرمی ایکٹ ترمیمی بل سے اتفاق نہیں کرتا، میں نے اپنےعملے کو کہا کہ بل کو بغیر دستخط کے واپس بھیجیں۔ عملے سے کئی بار تصدیق کی کہ بلز بغیر دستخط کے واپس بھیج دیے گئے ہیں، تاہم مجھے آج معلوم ہوا کہ میرے عملے نے میری مرضی اور حکم کو مجروح کیا۔
عارف علوی نے مزید کہا کہ اللہ سب جانتا ہے، میں ان سب سے معافی مانگتا ہوں جو ان بلز سے متاثر ہوں گے، میں نے ان بلز پر دستخط نہیں کیے۔
گزشتہ روز میڈیا میں خبر چلی تھی کہ صدر عارف علوی نے آفیشل سیکریٹ ایکٹ اور آرمی ایکٹ ترمیمی بل پر دستخط کر دیے ہیں اور دونوں بلز قوانین بن گئے ہیں۔
