ہیٹ ویو کےباعث نظر کراچی سمیت سندھ بھر میں انٹرمیڈیٹ کے امتحانات ملتوی کر دیے گئے۔
ترجمان وزیر اعلیٰ سندھ کے مطابق وزیراعلیٰ سندھ مراد علی شاہ نے وزیر جامعات و بورڈز محمد علی ملکانی کی سفارش پر انٹرمیڈیٹ کے امتحانات ملتوی کرنےکی منظوری دی۔
ترجمان کا کہنا ہے کہ انٹر میڈیٹ کے امتحانات 22 مئی کے بجائے اب 27 مئی سے شروع ہوں گے۔
یونیورسٹیز اینڈ بورڈ نے امتحانات کی تاریخ تبدیل کرنے کا نوٹیفکیشن جاری کردیا۔
خیال رہےکہ پنجاب اور سندھ کے میدانی علاقے شدید گرمی کی لپیٹ میں ہیں اور محکمہ موسمیات کی جانب سے ہیٹ ویو الرٹ بھی جاری کیا گیا ہے۔
نویں اور میٹرک کے امتحانات کے شیڈول میں کوئی تبدیلی نہیں کی گئی۔
