کراچی:پاکستان کی فضائی حدود عارضی طور پر کھول دی گئی ،پی آئی اے نے پروازوں کا شیڈول جاری کردیا۔
ذرائع کے مطابق پی آئی اے نے سعودی عرب اور یو اے ای کیلئے بعض پروازیں بحال کرنے کا فیصلہ کیا ہے۔
ذرائع کا کہنا ہے کہ پہلے مرحلے میں پاکستان سے جانے والی فلائٹس کے شیڈول میں نرمی کی گئی ہے،یہ نرمی صرف قومی ایئرلائن کی حد تک ہے۔
ترجمان پی آئی اے کے مطابق پی کے 731 آج شام 6 بجےکراچی سے جدہ روانہ ہوگی جبکہ پی کے 213 رات 10 بجے کراچی سے دبئی کیلئے روانہ ہوگی۔
ان کا کہنا ہے کہ پی کے 747 شام 6 بجے کراچی سے مدینہ کیلئے روانہ ہوں گی جبکہ پی کے 245 رات 11 بجے کراچی سے دمام کیلئے روانہ ہوں گی۔
ترجمان پی آئی اے نے مسافروں کو ہدایت کرتے ہوئے کہا ہے کہ مسافر ایئر پورٹ روانگی سے قبل ہمارےکال سینٹر سے ضرور رابطہ کریں۔
