سابق چیئرمین ایف بی آر شبر زیدی نے حکومت کو 5 ہزار کا نوٹ بند کرنے کی تجویز دے دی۔
اپنے ٹوئٹر پر جاری بیان میں شبر زیدی نے حکومت کو یہ تجویز دی ہے کہ وہ یکم جولائی 2021 سے 5 ہزار کا نوٹ بند کردے اور اس تبدیلی سے دو ماہ پہلے آگاہ بھی کرے۔
شبر زیدی کا یہ بھی کہنا تھا کہ اس اقدام کی مخالفت کرنے والوں کو اس کے غلط استعمال کا اندازہ نہیں ہے، اس سے ان کے مفادات ختم ہوں گے۔
سابق چیئرمین نے کہا کہ اس سے معیشت بہتر ہوگی اور بینکاری مستحکم ہوگی جب کہ رشوت ستانی مشکل ہوجائے گی۔
