وزیراعظم عمران خان نے جو بائیڈن کو امریکی صدارت کاعہدہ سنبھالنے پر مبارک باد دی ہے۔
اپنے بیان میں وزیراعظم کا کہنا ہے کہ وہ نومنتخب امریکی صدر جوبائیڈن کے ساتھ کام کرنے کے منتظر ہیں۔
وزیراعظم کا کہنا ہےکہ جوبائیڈن کے ساتھ پاک امریکا شراکت مضبوط کرنےکے لیے پر امید ہوں اور امریکا کے ساتھ تجارت، معیشت اور ماحولیاتی تبدیلی کے مسئلے پر کام کا خواہش مندہوں۔
ان کا کہنا ہے کہ وہ امریکا کے ساتھ انسداد بد عنوانی اور خطے میں امن کے فروغ کے لیے کام کرنا چاہتے ہیں۔
