یورپی مسلم اکثریتی ملک کوسوو( Kosovo) نے اسرائیل کے ساتھ سفارتی تعلقات قائم کرلیے۔
غیر ملکی خبر ایجنسی کے مطابق کوسوو کی وزیرخارجہ نے سفارتی تعلقات کے قیام سے متعلق معاہدے پر دستخط کے لیے آج اسرائیل جانا تھا تاہم کورونا کے باعث سفری پابندی کی وجہ سے یہ تقریب ورچوئل کرناپڑی۔
رپورٹ کے مطابق کوسوو نے مقبوضہ بیت المقدس (یروشلم) کو اسرائیل کا دارالحکومت تسلیم کرنے کا بھی فیصلہ کیا ہے جس کے بعد وہ وہاں اپنا سفارت خانہ کھولنے والا پہلا مسلم ملک ہوگا۔
