ڈیجیٹل کرنسی بٹ کوائن کی قیمت تاریخ میں پہلی بار اپنی بلند ترین سطح یعنی 60 ہزار ڈالر سے بھی اوپر چلی گئی۔
معاشی ماہرین نے آنے والے دنوں میں بٹ کوائن کی قیمت میں مزید اضافے کا امکان ظاہر کردیا۔
چند روز قبل دنیا کے امیر ترین شخص ایلن مسک کی گاڑیاں بنانے والی کمپنی ٹیسلا نے بتایا تھا کہ انہوں نے جنوری 2021 میں ڈیڑھ ارب ڈالر مالیت کی کرپٹو کرنسی خریدی ہے۔
ٹیسلا کے اعلان کے بعد بٹ کوائن کی قیمت میں بڑا اضافہ دیکھنے میں آیا تھا اور ایک بٹ کوائن 44 ہزار ڈالر کی حد کو چھو گیا۔
اب کرپٹو کرنسی نے ایک اور سنگ میل عبور کر لیا ہے اور ایک بٹ کوائن کی قیمت 60 ہزار ڈالر سے بھی تجاوز کر گئی ہے۔
