پاکستان ڈرامہ انڈسٹری کے مشہور و معروف اداکار عمران عباس کی والدہ کا انتقال ہوگیا۔
عمران عباس نے انسٹاگرام پر ایک جذباتی پیغام میں مداحوں کووالدہ کے انتقال کے بارے میں آگاہ کیا۔
عمران عباس نے لکھا کہ ’الوداع میری ماں، میں اب ان قدموں کو مزید چوم نہیں سکوں گا، آج میں نے اپنی جنت کھو دی، برائے مہربانی میری ماں کیلئے سورۃ الفاتحہ پڑھیں۔‘
عمران عباس نے یہ بھی بتایا کہ دو سال پہلے 15 دسمبر کو ہی انکے والد کا بھی انتقال ہوگیا تھا اور اسی تاریخ کو آج انکی والدہ بھی چل بسیں۔
