عامر لیاقت کی تیسری اہلیہ دانیہ شاہ نے ایک ویڈیو بیان میں کہا ہے کہ عامر لیاقت انہیں نماز بھی نہیں پڑھنے دیتا تھا۔
ایک نجی میڈیا کوانٹرویو کے دوران دانیہ نے بتایا کہ شادی کے بعد میں نے عامر لیاقت کے ساتھ بہت اذیت میں وقت گزارا، اس دوران میں نے اللہ سے رو رو کر دعا مانگی کہ یااللہ مجھ سے کوئی غلطی ہوئی ہے تو مجھے معاف کردیں کیوں کہ یہ شخص مجھے نماز بھی نہیں پڑھنے دیتا تھا۔
عامر لیاقت کے گھر سے بہاولپور کیسے گئی کہ سوال پر دانیہ کا کہنا تھا کہ عید سے قبل میں نے عامر کے ہاتھ پیر جوڑے کہ میں کچھ دنوں میں واپس آجاؤں گی، جب کہیں جا کر مجھے بہاولپور جانے کی اجازت ملی۔
یہ بھی پڑھیں: عامر لیاقت حسین کی تیسری بیوی دانیا شاہ نے تنسیخ نکاح کا مقدمہ دائر کردیا
ان کا یہ بھی کہنا تھا کہ وہ سید نہیں ہیں، عامر لیاقت نے میڈیا میں جھوٹ بولا تھا کہ دانیہ کا تعلق سید گھرانے سے ہے، عامر لیاقت جیسے لوگ اپنی ماں کو عزت نہیں دے سکتے تو دوسری عورتوں کو کیا عزت دیں گے، شادی کے دوسرے دن ہی انھوں نے نوکروں کے سامنے مجھے عزت نہیں دی، یہ صرف میڈیا کے سامنے مجھے پیار کرتے تھے۔
خیال رہے کہ حال ہی میں دانیہ شاہ نے ایک انسٹا اسٹوری شیئر کی تھی جس میں انھوں نے آگاہ کیا تھا کہ انھوں نے شوہر سے خلع کے لیے عدالت سے رجوع کر لیا ہے۔
بعد ازاں دانیہ شاہ نے عامر لیاقت پر سنگین الزامات لگاتے ہوئے کہا کہ وہ نشہ آور ہو کر آئے روز تشدد کا نشانہ بناتے، عامر لیاقت جیسے دکھتے ہیں ویسے بالکل نہیں ہیں۔
