ملک بھر میں بجلی کا شارٹ فال 6500 میگاواٹ تک جا پہنچا ہے جس سے ملک کے مختلف شہروں میں لوڈشیڈنگ میں اضافہ ہوا ہے۔
کراچی میں لوڈشیڈنگ کا دورانیہ 19 گھنٹے تک پہنچ گیا جبکہ لوڈشیڈنگ سے مستثنٰی علاقوں میں بھی 3 گھنٹے تک بجلی بند کی جارہی ہے۔ اس کے علاوہ لاہور سمیت پنجاب کے چھوٹے شہروں اور دیہات میں بدترین لوڈشیدنگ سے عوام عاجز آگئے۔
اسلام آباد کے علاقوں میں بجلی کی طویل بندش سے معمولات زندگی درہم برہم ہوگیا اور پنڈی میں گھنٹوں بجلی غائب ہونے سے کاروباری طبقہ متاثر ہے۔
فیصل آباد میں بجلی کی لوڈشیڈنگ سے صنعتی پیداوار متاثر ہو رہی ہے۔ پشاور، صوابی اور کوہاٹ میں لوڈشیڈنگ کے ستائے عوام سڑکوں پر آگئے۔
