 |
| فوٹو: پی سی بی |
پاکستان بمقابلہ انگلینڈ ٹی ٹوئنٹی سیریز: پاکستان نے پانچویں ٹی ٹوئنٹی میں انگلینڈ کو 6 رنز سے د شکست دے کر سیریز میں 2-3 کی برتری حاصل کرلی۔
Another final-over thriller sealed! 🙌
— Pakistan Cricket (@TheRealPCB) September 28, 2022
Pakistan lead the series 3️⃣-2️⃣ 💪#PAKvENG | #UKSePK pic.twitter.com/OW1SIGJkqr
قذافی اسٹیڈیم لاہور میں کھیلے گئے میچ میں انگلینڈ نے ٹاس جیت کر پاکستان کو پہلے بیٹنگ کی دعوت دی۔
پاکستان کا آغاز اتنا اچھا نہ رہا، کپتان بابر اعظم 12 گیندوں پر 9 رنز بناکر آؤٹ ہوئے، قومی ٹیم کو دوسرا نقصان 42 کے مجموعی اسکور پر اٹھانا پڑا، شان مسعود 7 رنز بناکر پویلین لوٹے۔
پاکستان کا مڈل آرڈر ایک بار پھر ناکام ہوا، حیدر علی 4، افتخار احمد 15، آصف علی 5 اور محمد نواز صفر پر آؤٹ ہوئے۔
اس کے علاوہ شاداب خان 7 اور عامر 10 رنز بناسکے، مسلسل وکٹیں گرنے کے باوجود رضوان نے ذمہ داری سے بیٹنگ کی لیکن وہ بھی 63 رنز بناکر آؤٹ ہوگئے جبکہ حارث رؤف 8 رنز بناسکے۔یوں پوری ٹیم 19 اوورز میں ڈھیر ہوگئی۔
انگلینڈ کی جانب سے مارک ووڈ نے 3 اور سام کُرن اور ڈیوڈ ولی نے 2،2 وکٹیں حاصل کیں۔
پاکستان کے 146 رنز کے ہدف کے تعاقب میں انگلش بیٹرز 7 وکٹوں پر 140 رنز بناسکے،کپتان معین علی 51 رنز بناکر نمایاں رہے۔
