حکومت نے رات گئے پیٹرولیم مصنوعات کی قیمتوں میں اضافہ کردیا، عالمی مارکیٹ میں تیل کی قیمتوں میں کمی کے باوجود حکومت کا پیٹرولیم مصنوعات کی قیمتوں میں اضافہ ناقابل فہم ہے۔
نئی قیمتوں کا اطلاق گزشتہ رات بارہ بجے سے ہوگیا ہے، وزارتِ خزانہ نے نوٹیفکیشن جاری کردیا۔
پیٹرول کی قیمت میں 2 روپے 7 پیسے فی لیٹر اضافہ کیا گیا ہے، جس کے بعد پیٹرول کی نئی قیمت 235 روپے 98 پیسے فی لیٹر ہوگئی ہے۔
ہائی اسپیڈ ڈیزل کی قیمت میں بھی 2 روپے 99 پیسے اضافہ کیا گیا ہے جس کے بعد ہائی اسپیڈ ڈیزل کی نئی قیمت 247 روپے 43 پیسے ہوگئی ہے جبکہ لائٹ ڈیزل کی فی لیٹر قیمت میں 9 روپے 79 پیسے اضافہ کیا گیا ہے لائٹ ڈیزل کی نئی قیمت 201 روپے 54 پیسے فی لیٹر ہوگئی ہے۔
حکومت نے مٹی کے تیل کی قیمت میں بھی 10 روپے 92 پیسے اضافہ کردیا جس کے بعد مٹی کے تیل کی نئی قیمت 210 روپے 32 پیسے فی لیٹر ہوگئی ہے۔
عوام نے حکومت کے فیصلے پر غم و غصے کا اظہار کیا ہے۔
