فیفا ورلڈکپ 2022 قطر کے فائنل میں ارجنٹینا نے دفاعی چیمپئن فرانس کو شکست دے کر تیسری بار ورلڈکپ جیت لیا۔
فائنل کا فیصلہ پینالٹی ککس پر ہوا، ارجنٹینا نے 2-4 سے کامیابی حاصل کی۔
قطر کے لوسیل اسٹیڈیم میں کھیلے گئے فائنل کے پہلے ہاف میں ہی ارجنٹینا نے فرانس کے خلاف دو صفر کی برتری حاصل کرلی تھی، ارجنٹینا کی جانب سے پہلا گول لیونل میسی نے 23 ویں منٹ میں پینالٹی پرکیا جبکہ دوسرا گول ڈی ماریہ نے 36 ویں منٹ میں کیا۔
تاہم دوسرے ہاف میں فرانس کے ایمباپے نے 2 منٹ میں دو گول کرکے میچ میں ارجنٹینا کی برتری ختم کردی، میچ مقررہ وقت تک 2-2 سے برابر رہا۔
یہ بھی پڑھیں: میسی فیفا ورلڈکپ 2022 کے بہترین کھلاڑی قرار
اضافی وقت میں میسی نے اپنا دوسرا اور ٹیم کا تیسرا گول کرکے ارجنٹینا کو 2-3 کی برتری دلادی لیکن پھر ایمباپے تیسرا گول کرکے ہیٹ ٹرک کرتے ہوئے ارجنٹینا کی برتری ختم کردی۔
اضافی وقت میں بھی میچ 3-3 سے برابر ہوگیا، ورلڈ چیمپئن کا فیصلہ پینالٹی ککس پر ہوا، ارجنٹینا نے 4 جبکہ فرانس نے 2گول کیے۔
یوں ارجنٹینا نے فرانس کو شکست دی اور لیونل میسی نے اپنے آخری ورلڈکپ کو یادگار بناتے ہوئے ادھورا خواب پورا کیا اور ورلڈکپ ٹرافی اپنے نام کرلی۔
یاد رہے کہ ارجنٹینا نے 1978 اور 1986 میں بھی ورلڈکپ اپنے نام کیا تھا۔
