نیوزی لینڈ نے دوسرے ون ڈے میچ میں پاکستان کو 79 رنز سے شکست دیکر 3 میچز کی سیریز 1-1 سے برابر کر دی۔
New Zealand level the series 1-1 with a game to go.#PAKvNZ | #TayyariKiwiHai pic.twitter.com/FV4uLZfArN
— Pakistan Cricket (@TheRealPCB) January 11, 2023
نیوزی لینڈ کے 262 رنز کے ہدف کے تعاقب میں پاکستان کی پوری ٹیم 182 رنز بناکر آؤٹ ہوگئی، کپتان بابر اعظم 79 رنز بناکر نمایاں رہے۔
اس کے علاوہ محمد رضوان 28 ، آغا سلمان 25 ، حارث سہیل 10 ،اسامہ میر 12 ، محمد وسیم 10 ، امام الحق 6 اور محمد نواز نے 3 رنز بنائے، فخرزمان اور حارث رؤف صفر پر آؤٹ ہوئے۔
نیوزی لینڈ کی جانب سے ٹم ساؤٹھی اور اش سودھی نے 2،2 جبکہ فرگوسن،سینٹنر، بریسویل اور فلپس نے ایک ،ایک کھلاڑی کو آؤٹ کیا۔
نیشنل بینک کرکٹ ارینا (کراچی) میں کھیلے گئےمیچ میں نیوزی لینڈ نے ٹاس جیت کر پہلے بیٹنگ کا فیصلہ کیا۔
نیوزی لینڈ کی ٹیم ایک گیند قبل 261 رنز بناکر آؤٹ ہوگئی، ڈیون کونوے 101 اور کین ولیم سن نے85 رنزکی اننگز کھیلی، نیوزی لینڈ نے پاکستان کو جیت کیلئے 262 رنز کا ہدف دیا۔
پاکستان کی جانب سے محمد نواز نے 38 رنز دے کر 4 کھلاڑیوں کو آؤٹ کیا جبکہ نسیم شاہ نے 3 وکٹیں حاصل کیں، حارث رؤف اور اسامہ میر نے ایک ایک وکٹ حاصل کی۔
تین ون ڈے میچز کی سیریز1-1 سے برابر ہوگئی ہے، تیسرا اور آخری میچ جمعہ کو کراچی میں ہی کھیلا جائے گا۔
