پاک افغان سیریز کے تیسرے ٹی ٹوئنٹی میچ میں پاکستان نے 66 رنز سے جیت اپنے نام کی، تاہم افغانستان نے سیریز 1-2 سے جیت لی۔
پاکستان کے 183 رنز کے ہدف کے تعاقب میں پوری افغان ٹیم 19 ویں اوور میں 116 رنز بنا سکی اور اسے میچ میں 66 رنز سے شکست کا سامنا کرنا پڑا۔
A strong performance sets up a 6️⃣6️⃣-run victory in the third T20I for Pakistan 👏
— Pakistan Cricket (@TheRealPCB) March 27, 2023
Congratulations @ACBofficials on the series win.#AFGvPAK | #BackTheBoysInGreen pic.twitter.com/P2VdfjNFjF
شارجہ کرکٹ اسٹیڈیم میں کھیلے گئے میچ میں افغانستاان نے ٹاس جیت کر پہلے بولنگ کا فیصلہ کیا۔
پاکستان کی جانب سے اننگز کا آغاز اتنا اچھا نہیں تھا، محمد حارث ایک رن بنا کر آؤٹ ہوگئے، اس کے بعد طیب طاہر 10 رنز بنا کیچ ہوئے جبکہ عبداللہ شفیق سیریز میں کھاتا کھولنے میں کامیاب ہوگئے تاہم وہ بھی 23 رنز بناکر پویلین لوٹ گئے۔
اس کے بعد صائم ایوب اپنی نصف سنچری مکمل نہ کرسکے اور 49 رنز پر کریم جنت کا شکار بنے، عماد وسیم 13، افتخار احمد 31 اور شاداب خان 28 رنز بناکر آؤٹ ہوئے۔
یہ بھی پڑھیں:
پاکستان کو دوسرے ٹی ٹوئنٹی میں بھی شکست، افغانستان نے سیریز میں 0-2 کی فیصلہ کن برتری حاصل کرلی
پاکستان نے مقررہ 20 اوورز میں 7 وکٹوں کے نقصان پر 182 رنز بنائے۔
افغانستان کی جانب سے مجیب الرحمن نے دووکٹیں حاصل کیں جبکہ محمد نبی، فضل حق فاروقی، راشدخان اور کریم جنت نے ایک ایک وکٹ لی۔
پاکستان کے 183 رنز کے ہدف کے تعاقب میں افغان ٹیم کا آغاز مایوس کن رہا اور وقفے وقفے سے ان کی وکٹیں گرتی رہیں۔
افغان ٹیم کا کوئی بھی بیٹر پاکستان کی بولنگ کے سامنےسنبھل نہ ہوسکا اور 19 ویں اوور میں پوری افغان ٹیم 116 رنز بناکر آؤٹ ہوگئی، نجیب اللہ زادران ریٹائرڈ ہرٹ ہونے کے باعث بیٹنگ کیلئے نہیں آئے، یوں پاکستان نے 66 رنز سے فتح حاصل کی۔
افغانستان کے عظمت اللہ عمر زئی 21 اور رحمان اللہ گرباز 18 رنز بنا کر نمایاں رہے۔ پاکستان کی جانب سے شاداب خان اور احسان اللہ نے 3، 3 جبکہ عماد وسیم، زمان اور محمد وسیم نے ایک ایک کھلاڑی کو آؤٹ کیا۔
افغانستان نے سیریز میں 1-2 سے اپنے نام کی، یہ پاکستان کیخلاف افغانستان کی پہلی سیریزکی جیت ہے۔
پچھلے دو ٹی ٹوئنٹی میچز میں بھی پاکستان نے پہلے بیٹنگ کی تھی تاہم افغانستان نے بہتر ٹیم ثابت ہوتے ہوئے کامیابی حاصل کی تھی۔
