 |
| میچ پاکستانئ وقت کے مطابق 2:30 بجے شروع ہونا تھا، تاہم خراب موسم کے باعث ابھی تک شروع نہیں ہوسکا فوٹو: پی سی بی |
ایشیا کپ 2023 کے سپر فور مرحلے کے ریزرو ڈے پر بقیہ میچ شروع نہیں ہوسکا ہے اور تاخیر کا شکار ہوگیا ہے۔ کولمبو میں اب بھی ہلکی بارش جاری ہے۔
اس سے قبل بھارتی کرکٹ ٹیم کے اسٹیڈیم پہنچتے ہی موسلا دھار بارش شروع ہو گئی تھی جب کہ اب بوندا باندی کا سلسلہ جاری ہے، بچ اور گراؤنڈ کو کورز سے ڈھانپ دیا گیا ہے ، پاکستان اور بھارت کی ٹیمیں اسٹیڈیم میں ہی موجود ہیں۔
آج پاکستان اور بھارت کا میچ تاخیر سے شروع ہوگا، پاکستانی وقت کے مطابق ڈھائی بجے شروع ہونا تھا۔
بتایا جارہا ہے کہ کولمبو میں آج سارا دن وقفے وقفے سے بارش کی پیشگوئی ہے۔
واضح رہے کہ گزشتہ روز ایشیا کپ کے سپر فور مرحلے میں پاکستان اور بھارت کے اہم میچ کو مسلسل بارش اور گراؤنڈ فیلڈ خراب ہونے کی وجہ سے معطل کر کے ریزرو ڈے پر منتقل کر دیا گیا تھا۔
ریزرو ڈے پر آج وہیں سے کھیل شروع ہو گا جہاں گزشتہ روز ختم ہوا تھا۔
گزشتہ روز بارش کی وجہ سے صرف 24.1 اوورز کا کھیل ممکن ہو سکا تھا، جس میں بھارت نے 2 وکٹوں کے نقصان پر 147 رنز بنائے تھے۔
