رواں سال کا پہلا مکمل سورج گرہن آج ہو گا تاہم رات ہونے کی وجہ سے پاکستان میں سورج گرہن کا نظارہ نہیں دیکھا جا سکے گا۔
غیر ملکی خبر رساں ادارے کے مطابق سورج گرہن کا آغاز پاکستانی وقت کے مطابق رات 8 بج کر 42 منٹ سے شروع ہوکر رات ایک بج کر 52 منٹ پر اختتام پزیر ہوگا۔
پورے شمالی امریکہ میں لاکھوں لوگ سورج گرہن کا نظارہ دیکھیں گے، مکمل سورج گرہن میکسیکو، ریاستہائے متحدہ اور کینیڈا کے کچھ حصوں سے نظر آئے گا۔
رات 11 بج کر 17 منٹ پر سورج گرہن عروج پر ہوگا۔پاکستان میں رات ہونے کی وجہ سے سورج گرہن کا نظارہ نہیں دیکھا جا سکے گا۔
امریکی خلائی ایجنسی ناسا نے وضاحت کی ہے کہ مکمل گرہن اس وقت ہوتا ہے جب چاند سورج کو مکمل طور پر ڈھانپ دیتا ہے - چند منٹوں کے لیے آسمان کو تاریک کر دے گا "جیسے کہ فجر یا شام کا وقت ہو"۔
مکمل سورج گرہن سب سے پہلے میکسیکو، پھر ٹیکساس، اوکلاہوما اور آرکنساس سمیت دیگر شمال مشرقی امریکی ریاستوں اور کینیڈا کے مشرقی صوبوں میں دیکھا جائے گا۔
