کراچی کے علاقے قیوم آباد سےکالعدم تحریک طالبان کے تین مبینہ دہشت گردوں کو گرفتار کرلیا گیا۔
پولیس نے دستی بم ، آوان بم اور اسلحہ برآمد کرنے کا دعویٰ کیا ہے جبکہ ملزمان کے خلاف مختلف تھانوں میں مقدمات درج ہیں۔
رات گئے ڈیفنس پولیس نے خفیہ اطلاع پر قیوم آباد کے علاقے میں ایک کارروائی کے دوران 3 دہشت گرد وں کو گرفتار کر لیا۔
گرفتار دہشت گردوں کا تعلق کالعدم تحریک طالبان سے ہے ۔ ملزمان سے دودستی بم، آوان بم اور اسلحہ برآمد کرلیا گیا۔
گرفتار دہشت گردوں میں روح خان ،خیراللہ اورکریم اللہ شامل ہیں۔ ملزمان کے خلاف مختلف تھانوں میں دہشت گردی کے متعدد مقدمات درج ہیں۔ ملزمان سے مزید تفیش جاری ہے۔
