اسرائیلی وزیر دفاع نے غزہ کے جوابی حملوں کے مکمل رُکنے تک غزہ میں حملے جاری رکھنے کا اعلان کر دیا۔
اسرائیلی وزیردفاع بینی گانٹس کے مطابق اسرائیلی فوج نے غزہ میں سیکڑوں اہداف کو نشانہ بنایا، حملوں میں حماس کے سینیئرکمانڈر مارے گئے ہیں، حملوں کے لیے تمام ذرائع اور آپشنز ٹیبل پر موجود ہیں۔
اسرائیلی وزیر دفاع کا یہ بھی کہنا تھا کہ اسرائیلی فوج حملے جاری رکھے گی اور مکمل اور طویل المدتی خاموشی لائے گی، اس مقصد کے حاصل ہونے کے بعد ہی کشیدگی کم کرنے پر بات کرسکتے ہیں، فی الحال صورتحال معمول پر آنے کا کوئی وقت نہیں بتایا جاسکتا۔
