جیو نیوز کی خبر کے مطابق بھارتی کرکٹ بورڈ کے اعلٰی افسر نے غیر ملکی کھلاڑیوں کو دھمکی دی ہے کی اگر انھوں نے کشمیر پریمیئر لیگ میں شرکت کی تو ان پر آئی پی ایل اور انڈین کرکٹ کے دروازے بند ہوجائیں گے۔
ذرائع کے مطابق بھارتی کرکٹ بورڈ کی دھمکی کے باعث ٹورنامنٹ میں شریک تمام غیر ملکی کھلاڑی لیگ سے دستبردار ہوگئے ہیں۔
غیرملکی کھلاڑیوں کو بھارتی بورڈ کی جانب سے دھمکی دی گئی اور ٹورنامنٹ میں شرکت کرنے والے کھلاڑیوں کو کہا گیا کہ کشمیر گئے تو ان پر آئی پی ایل سمیت انڈین کرکٹ کے دروازے بند ہوجائیں گے۔
ذرائع کے مطابق کھلاڑیوں کے ایجنٹ کو بی سی سی آئی کے اعلیٰ افسر نے دھمکی دی جس کے بعد غیر ملکی کھلاڑیوں نے ٹورنامنٹ میں شرکت سے معذرت کرلی۔
منتظمین نے اعلان کیا ہے کہ 6 اگست سے ٹورنامنٹ پاکستانی کھلاڑیوں کے ساتھ ہوگا۔
دوسری جانب جیونیوز کے پاس ایجنٹ کے خط کا دستاویزی ثبوت موجود ہے۔
خیال رہے کہ کشمیر پریمیئر لیگ کا آغاز 6 اگست سے ہورہا ہے جبکہ لیگ کا فائنل 17 اگست کو مظفرآباد میں کھیلا جائے گا۔
