آئی سی سی ٹی ٹوئنٹی ورلڈکپ کے سپر 12 مرحلے کے آخری گروپ میچ میں بھارت نے نمیبیا کو 9 وکٹوں سے یکطرفہ شکست دے دی۔
#India sign off from the #T20WorldCup with a dominant win over #Namibia
— ESPNcricinfo (@ESPNcricinfo) November 8, 2021
دبئی میں کھیلے گئے میچ میں بھارت نے ٹاس جیت کر نمیبیا کو پہلے بیٹنگ کی دعوت دی۔
نمیبیا نے مقررہ 20 اوورز میں 8 وکٹوں کے نقصان پر صرف 132 رنز بنائے، ڈیوڈ ویزے 26 اور اسٹیفن بارڈ 21 رنز بناکر نمایاں رہے۔
بھارت کی جانب سے جڈیجا اور ایشوین نے 3،3 وکٹیں لیں، جبکہ جسپریت بمراہ نے 2 وکٹیں حاصل کیں۔
بھارت نے 133 رنز کا ہدف باآسانی 16 ویں اوور میں ایک وکٹ کے نقصان پر پورا کرلیا۔
بھارت کے روہت شرما نے 56 اور کے ایل راہول نے 54 رنز کی شاندار اننگز کھیلی، اس کے علاوہ سورے کمار یا نے 25 رنز بنائے۔
یاد رہے کہ بھارت اور نمیبیا پہلے ہی سیمی فائنل کی دوڑ سے باہر ہوچکے ہیں۔
ٹی ٹوئنٹی ورلڈکپ کا پہلا سیمی فائنل انگلینڈ اور نیوزی لینڈ کے مابین 10 نومبر جبکہ پاکستان اور آسٹریلیا کے درمیان دوسرا سیمی فائنل 11 نومبر کو کھیلا جائے گا۔
