سابق مشیرِ خارجہ سرتاج عزیز نے ایک انٹرویو میں بات کرتے ہوئے کہا ہے کہ نواز شریف فوج کے ذریعے سیاست میں آئے تھے لیکن بعد میں انکی یہ سوچ بدل گئی تھی۔
پاکستانی چینل جیو نیوز کے ایک پروگرام ’جرگہ‘ میں سلیم صافی سے گفتگو کرتے ہوئے سرتاج عزیز نے کہا کہ 90 کی دہائی میں نواز شریف نے طے کرلیا تھا کہ اب سول بالادستی کی جنگ لڑنی ہے۔
سابق مشیر خارجہ نے انٹرویو میں مزید کہا کہ فوج اس ملک کی حقیقت ہے اور نواز شریف کو اس کا احساس ہے۔
سرتاج عزیز نے کہا کہ نواز شریف دہشتگردی اور کووِڈ جیسے چیلنجز سے لڑنے والی فوج کو ساتھ لے کر چلنا چاہتے ہیں لیکن یہ نہیں چاہتے کہ اس کے بدلے میں فوج سیاست میں اپنی بالا دستی بنائے۔
