کراچی: پورٹ قاسم کے قریب کروڑوں لیٹر ڈیزل سے لدے جہاز کو ریت سے نکال لیا گیا۔
ذرائع کے مطابق جہاز انجن فیل ہونے کے سبب ریت میں پھنسا، انجن فیل ہونے کے بعد جہاز کو ریت میں پھنسنے سے نہ بچایا جاسکا۔
ذرائع کا یہ بھی کہنا ہے کہ جہاز کو ٹرمینل پر برتھنگ سے روک دیا گیا ہے اور اب اسے جزیرہ بنڈال کے قریب کھڑا کیا جائے گا۔
شپنگ ذرائع کے مطابق جہاز"ہائی پروسپیرٹی" آج صبح ساڑھے7 بجےپھنسا۔
یاد رہے کہ کچھ ہی ماہ قبل کراچی پورٹ کے قریب سی ویو کے ساحل پر بھی کنٹینرز سے لدا بحری جہاز ہینگ ٹونگ 77 ریت میں پھنس گیا تھا جسے ڈیڑھ ماہ کی کوششوں کے بعد بالآخرکامیاب آپریشن کے ذریعے گہرے سمندر میں پہنچایا گیا تھا۔
