سعودی ولی عہد محمد بن سلمان رواں سال مارچ میں پاکستان کا دورہ کریں گے۔
سفارتی ذرائع کے مطابق سعودی ولی عہد 22 مارچ کو پاکستان پہنچیں گے۔ سعودی ولی عہد کے ہمراہ ایک اعلیٰ سطح کا وفد بھی پاکستان آئے گا۔
دورہ پاکستان میں سعودی ولی عہد کی اعلیٰ سیاسی و عسکری قیادت سے ملاقاتیں متوقع ہیں ، سعودی ولی عہد کی 23 مارچ کی پریڈ میں بھی شرکت کا امکان ہے۔
پریڈ میں دیگر ممالک کے وزرائے خارجہ بھی شرکت کریں گے ، پریڈ میں سعودی افواج کا ایک دستہ بھی خصوصی شرکت کرے گا ، بارہ سے پندرہ وزرائے خارجہ او آئی سی وزرائے خارجہ اجلاس میں شرکت کے لیے پاکستان میں موجود ہوں گے۔
سفارتی ذرائع کا کہنا ہے کہ امریکی، چینی و روسی نمائندہ خصوصی برائے افغانستان کی بھی او آئی سی وزرائے خارجہ کونسل میں شرکت کے لیے پاکستان موجودگی متوقع ہے۔
