وزیراعظم عمران خان چین کے 4 روزہ دورے پر روانہ ہو گئے ہیں۔
وزیر خارجہ شاہ محمود قریشی، وزیر اطلاعات فواد چوہدری، وزیر خزانہ شوکت ترین اور مشیر برائے تجارت عبدالرزاق داؤد بھی وزیراعظم عمران خان کے ہمراہ ہیں۔
اس کے علاوہ وفاقی وزیر برائے منصوبہ بندی اسد عمر، مشیر برائے قومی سلامتی معید یوسف اور معاون خصوصی برائے سی پیک خالد مصطفیٰ بھی چین کے دورے پر روانہ ہو گئے ہیں۔
وزیراعظم عمران خان چین کے وزیراعظم سے ہفتے کو ملاقات کریں گے جبکہ عمران خان کی چین کے صدر شی جن پنگ سے ملاقات اتوار کو ہوگی۔
اس کے علاوہ وزیراعظم عمران خان سرمائی اولمپکس کی افتتاحی تقریب میں بھی شریک ہوں گے۔
وزیراعظم عمران خان کی اقوام متحدہ کے سیکرٹری جنرل اور غیرملکی سربراہان سے بھی ملاقاتیں شیڈول ہیں۔
