 | ||
عالمی مالیاتی فنڈ (آئی ایم ایف) نے پاکستان کے لیے قرض پروگرام بحال کرکے قرض کی قسط جاری کرنے کی منظوری دے دی۔
عالمی مالیاتی فنڈ کے ایگزیکٹو بورڈ کا اجلاس ہوا جس میں پاکستان کے ساتھ اسٹاف لیول معاہدے کی منظوری دے دی گئی۔
یہ بھی پڑھیں: پاکستان کے قرض پروگرام سے متعلق آئی ایم ایف کا اعلامیہ جاری
آئی ایم ایف بورڈ نے پاکستان کو تقریباً ایک ارب 17 کروڑ ڈالر جاری کرنے کی منظوری دے دی، قرض کی رقم اسی ہفتے پاکستان کو منتقل کر دی جائے گی۔
Alhamdolillah the IMF Board has approved the revival of our EFF program. We should now be getting the 7th & 8th tranche of $1.17 billion. I want to thank the Prime Minister @CMShehbaz for taking so many tough decisions and saving Pakistan from default. I congratulate the nation.
— Miftah Ismail (@MiftahIsmail) August 29, 2022
پاکستان کے وزیر خزانہ مفتاح اسماعیل نے ٹوئٹر پر آئی ایم ایف کی جانب سے قرض پروگرام کی منظوری کی تصدیق کی اور کہا کہ الحمداللہ آئی ایم ایف بورڈ نے توسیع فنڈ سہولت کی منظوری دے دی۔
مفتاح اسماعیل کا کہنا تھا کہ ہمیں ایک ارب 17 کروڑ ڈالر کی ساتویں اور آٹھویں قسط مل رہی ہے۔ وزیراعظم کو پاکستان کو دیوالیہ ہونے سے بچانے پر شکریہ ادا کرنا چاہتا ہوں، قوم کومبارک ہو۔
