 |
| عبدالستار ایدھی اورنج لائن بس سروس 3.88 کلومیٹر پر محیط ہے، جو اورنگی ٹاؤن کو کراچی بورڈ آفس سے ملائے گی۔ فوٹو: مرتضیٰ وہاب/ ٹوئٹر |
کراچی: وزیر ٹرانسپورٹ سندھ شرجیل انعام میمن نے کئی سالوں کی تاخیر کے بعد بالآخر اورنج لائن منصوبے کے افتتاح کی تاریخ کا اعلان کر دیا۔
گزشتہ روز پریس کانفرنس کرتے ہوئے شرجیل میمن کا کہنا تھا کہ کراچی کے لیے عبدالستار اورنج لائن بی آر ٹی منصوبے کی ٹیسٹ ڈرائیو کامیابی سے ہو گئی ہے، اورنج لائن منصوبے کا باقاعدہ آغاز 10 ستمبر سے ہوگا۔
انہوں نے مزید کہا کہ اورنج لائن بس منصوبہ مکمل طور پر سندھ حکومت کے فنڈز سے مکمل ہوا ہے، اورنج لائن سے اورنگی، بنارس اور نارتھ ناظم آباد سمیت اطراف کے شہریوں کو محفوظ سفری سہولت میسر آسکے گی۔
Orange Line BRT now named Edhi Line is ready to begin its operations from 10th September. Transport issues are now moving in the right direction to provide easy & affordable transportation to the people of #Karachi pic.twitter.com/vAKjKVuLIn
— Murtaza Wahab Siddiqui (@murtazawahab1) September 2, 2022
ایڈمنسٹریٹر کراچی، مرتضیٰ وہاب نے ٹوئٹر پر اورنج لائن بس منصوبے کی تصاویر شئیر کیں، ان کا کہنا تھا کہ اس منصوبے سے کراچی والوں کو آسان اور کم قیمت پر بہترین سفری سہولیات ملیں گی۔
