ایشیا کپ ٹی ٹوئنٹی 2022 کے سپر فور مرحلے کے پہلے میچ میں سری لنکا نے افغانستان کو 4 وکٹوں سے شکست دے دی۔
شارجہ کرکٹ اسٹیڈیم میں کھیلے گئے میچ میں سری لنکا نے ٹاس جیت کر افغانستان کو پہلے بیٹنگ کی دعوت دی۔
افغانستان نے پہلےکھیلتے ہوئے مقررہ 20 اوورز میں 6 وکٹوں کے نقصان پر 175 رنز بنائے۔ افغانستان کی جانب سے رحمان اللہ گربز نے 84 اور ابراہیم زادران نے 40 رنز ک اننگز کھیلی، ان کے علاوہ نجیب اللہ زادران 17 اور حضرت اللہ زازئی 13 رنز بنا کر آؤٹ ہوئے۔
سری لنکا کی جانب سے دلشان مدو شاناکا نے 2 کھلاڑیوں کو آؤٹ کیا۔
سری لنکا نے 176 رنز کا ہدف 6 وکٹوں کے نقصان پر آخری اوور میں پورا کرلیا۔
Sri Lanka have turned the tables from their opening day defeat to beat Afghanistan in a cracking game 👏 #SLvAFG | #AsiaCup2022
— ESPNcricinfo (@ESPNcricinfo) September 3, 2022
سری لنکا کی جانب سے کوشل مینڈس 36 ، پاتھم نسانکا 35 اور دنوشکا گناتھیلاکا 33 رنز بنا کر نمایاں رہے، راجاپکسا 14 گیندوں پر 31 رنز بناکر آؤٹ ہوئے۔
افغانستان کی جانب سے مجیب الرحمان اور نوین الحق نے 2 ،2 وکٹیں حاصل کیں۔
ایشیا کپ کے سپر فور مرحلے کا دوسرا میچ پاکستان اور بھارت کے درمیان کل کھیلا جائے گا۔
ایونٹ کا فائنل 11 ستمبر کو دبئی میں کھیلا جائےگا۔
