اسٹیٹ بینک آف پاکستان کی جانب سے پاکستان کی آزادی کے 75 سال مکمل ہونے پر 75 روپے کا اعزازی بینک نوٹ عوام کے لیے جاری کردیا گیا ہے۔
اسٹیٹ بینک نے 14 اگست کو 75 روپے کے اعزازی بینک نوٹ کا ڈیزائن پیش کیا گیا تھا، جو اب عوام کے لیے آج سے جاری کیا جا رہا ہے۔
اسٹیٹ بینک کا کہنا ہےکہ اعزازی نوٹ ملک بھر میں خریداری کے لیے استعمال کیا جاسکےگا۔
اسٹیٹ بینک کی جانب سے جاری کیے گئے یادگاری نوٹ پر قائداعظم محمد علی جناح، علامہ محمد اقبال، سر سید احمد خان اور فاطمہ جناح کی تصاویر ہیں۔
مرکزی بینک کا کہنا ہے کہ یادگاری نوٹ پر تصاویر تحریک پاکستان کی کوششوں کے اعتراف میں جاری کی گئی ہیں۔
اسٹیٹ بینک کا کہنا ہے کہ یادگاری نوٹ کی پشت پر مارخور کی تصویر پائیدار ماحول پر توجہ کی عکاس ہے۔
