قطر میں جاری فیفا ورلڈکپ میں کروشیا نے کینیڈا کو 4-1 گولز سے شکست دے دی جس کے بعد کینیڈا کا ورلڈکپ کا سفر ختم ہوگیا۔
اتوار کو گروپ ایف کے میچ میں کروشیا نے کینیڈاکے خلاف شاندار کھیل پیش کرتے ہوئے ایک کے مقابلے 4 گول سے کامیابی حاصل کی۔
کروشیا کی جانب سے آندریج نے 2 جبکہ مارکو لیواجا اور لورو میجر نے ایک ایک گول کیا، کینیڈا کا واحد گول ڈیوس نے کیا۔
کینیڈا کے خلاف فتح کے بعد کروشیا نے گروپ میں ٹاپ پوزیشن حاصل کرلی جبکہ مسلسل دو میچز میں شکست کے بعد کینیڈا آخری نمبر پر موجود ہے،واضح رہے کہ کینیڈا کو آخری گروپ میچ ابھی کھیلنا ہے۔
اس سے قبل کھیلے گئے گروپ ایف کے میچ میں مراکش نے بیلجیئم کو 2 صفر سے شکست دے کر ٹورنامنٹ میں ایک اور اپ سیٹ کر دیا۔
