کراچی: انگلینڈ نے پاکستان کو 70 سالہ تاریخ میں پہلی بارٹیسٹ سیریز میں ہوم گراؤنڈ پر تین صفر سے وائٹ واش کردیا۔
انگلینڈ کرکٹ ٹیم نے 167 رنز کا ہدف 2 وکٹوں کے نقصان پر حاصل کیا۔ انگلینڈ کے بین ڈکٹ 82 اور کپتان بین اسٹوکس نے 35 رنز کی ناقابلِ شکست اننگز کھیلی۔
انگلینڈ کے ہیری بروک شاندار کارکردگی کے باعث پلیئر آف دی میچ اور پلیئر آف دی سیریز قرار پائے۔
پاکستانی ٹیم دوسری اننگز میں 216 رنز پر آؤٹ ہوگئی تھی، کپتان بابر اعظم 54 اور سعود شکیل 53 رنز بنائے جب کہ انگلینڈ کے ریحان احمد نے اننگز میں 5 اور میچ میں 7 وکٹیں حاصل کیں۔
گزشتہ روز کراچی ٹیسٹ کے تیسرے دن کے اختتام پر پاکستان کے167 رنز کے ہدف کے جواب میں انگلینڈ نے 2 وکٹ پر 112 رنزبنائے تھے، بقئیہ رنز چوتھے دن اسکور کرکے انگلینڈ نے میچ کے ساتھ ساتھ سیریز بھی اپنے نام کی اور پاکستان کو وائٹ واش کیا۔
