آسٹریلوی کرکٹ ٹیم کے فاسٹ بولر مچل اسٹارک انڈین پریمیئر لیگ( آئی پی ایل) کی تاریخ کے مہنگے ترین کھلاڑی بن گئے۔
آئی پی ایل سیزن 2024 کے لیے کھلاڑیوں کی نیلامی کی تقریب آج 19 دسمبر کو منعقد ہوئی جس میں فرنچائزز نے بہترین کھلاڑیوں کو اپنی ٹیم میں شامل کرنے کے لیے کروڑوں روپے میں خرید لیا۔
آئی پی ایل میں شاہ رخ خان کی فرنچائز کولکتا نائٹ رائیڈرز نے آسٹریلوی فاسٹ بولر رک کو ریکارڈ 24 کروڑ 75 لاکھ بھارتی روپے میں خرید کر سب کو حیران کر دیا۔
جس کے بعد مچل اسٹارک آئی پی ایل کی تاریخ کے سب سے مہنگے کھلاڑی بن گئے ہیں۔
WOW! STARC BREAKS CUMMINS' RECORD TO BECOME THE MOST EXPENSIVE PLAYER IN THE IPL 🤑
— ESPNcricinfo (@ESPNcricinfo) December 19, 2023
TWO 20 CRORE PLAYERS TODAY! https://t.co/dLyU9HXJoP | #IPLAuction pic.twitter.com/QuhRGuNlYP
سن رائزز حیدرآباد نے رواں سال کرکٹ ورلڈکپ جیتنے والے آسٹریلوی کپتان پیٹ کمنز کو ساڑھے 20 کروڑ بھارتی روپے میں خریدا جس کے بعد پیٹ کمنز آئی پی ایل کی تاریخ کے دوسرے مہنگے ترین کھلاڑی بنے۔
اس سے قبل گزشتہ سال انگلش ٹیم کے نوجوان فاسٹ بولر سیم کرن کو پنجاب کنگز ریکارڈ ساڑھے 18 کروڑ بھارتی روپے میں خریدا تھا۔