منڈی بہاء الدین کے علاقے ملک وال میں عید موقع پر پکنک منانے پارک آئے شہریوں پر شہد کی مکھیوں نے حملہ کردیا۔
ریسکیو حکام کے مطابق نواز شریف پارک میں شہد کی مکھیوں نے متعدد افراد کو کاٹ لیا، ہوا کچھ یوں کے پارک میں موجود بچوں نے شرارت کی اور مکھیوں کے چھتے پر کچھ مارا جس کی وجہ سے مکھیوں نے شہریوں پر حملہ کیا۔
حملے میں کئی افراد زخمی ہوگئے جنہیں قریبی اسپتال منتقل کرکے طبی امداد فراہم کی گئی۔
میونسپل کمیٹی کا بتانا ہے کہ نواز شریف پارک کو عارضی طور پر بند کر دیا گیا ہے، پارک کو اسپرے کرنے کے بعد عوام کے لیے دوبارہ کھول دیا جائے گا۔
