 |
| یہ حملہ بدھ کی صبح تقریباً 10 بجے عید کی نماز کے بعد ہوا، جس کے نتیجے میں متعدد پولیس افسران اور ان کے ساتھی شدید زخمی ہوئے۔ فوٹو: ٹوئٹر/ایکس |
پاکستانی فوج کے جوانوں نے بدھ کو صوبہ پنجاب کے شہر بھاولنگر میں پولیس اہلکاروں پر حملہ کیا۔ فوجیوں کی پولیس کو زدوکوب کرنے کی ویڈیو سوشل میڈیا پر وائرل ہوگئی۔
واقعہ مدرسہ پولیس اسٹیشن میں پیش آیا، جہاں پولیس نے ایک فوجی کے بھائی کے گھر سے غیر قانونی اسلحہ ضبط کیا تھا۔
#BREAKING Pakistan army soldiers beat up police officials in #Bahawalnagar after a dispute over illegal weapons recovery from one of the family members of a soldier. Reports of several police officials beaten & police stations attacked. Is the military in Pakistan above the law? pic.twitter.com/8moDrE656L
— Taha Siddiqui (@TahaSSiddiqui) April 10, 2024
تفصیلات کے مطابق فوجیوں کا گروپ تقریباً سات سے آٹھ گاڑیوں میں پہنچا، پولیس افسر سے چابیاں چھین کر اسٹیشن میں گھس گیا، جس سے افراتفری مچ گئی۔ انہوں نے پولیس اہلکاروں پر رائفل کے بٹوں اور لاٹھیوں سے حملہ کیا، یہاں تک کہ اسٹیشن ایس ایچ او کو بھی تشدد کا نشانہ بنایا۔ اسٹیشن انچارج اور ان کے عملے کو بے رحمی سے مارا پیٹا گیا، ان کے جسموں پر تشدد کے نمایاں نشانات تھے۔
یہ حملہ بدھ کی صبح تقریباً 10 بجے عید کی نماز کے بعد ہوا، جس کے نتیجے میں متعدد پولیس افسران اور ان کے ساتھی شدید زخمی ہوئے۔ اس واقعے نے عوام میں غم و غصے کو جنم دیا ہے اور ہتھیاروں کی ضبطی کے تنازع پر فوج کے غیر متناسب ردعمل پر جوابدہی کا مطالبہ کیا ہے۔
#BREAKING Pakistan army soldiers beat up police officials in #Bahawalnagar after a dispute over illegal weapons recovery from one of the family members of a soldier. Reports of several police officials beaten & police stations attacked. Is the military in Pakistan above the law? pic.twitter.com/8moDrE656L
— Taha Siddiqui (@TahaSSiddiqui) April 10, 2024
سوشل میڈیا پر شیئر کی گئی ایک ویڈیو میں ایک شخص کو یہ کہتے ہوئے سنا جا سکتا ہے کہ فوج کے تقریباً 40-50 اہلکار پولیس سٹیشن میں آئے اور پولیس اہلکاروں پر حملہ کیا۔ سپاہیوں نے ڈی وی آرز بھی چھین لیے، اہلکاروں کو بند کر دیا اور ان کی پٹائی کی۔
پنجاب پولیس نے واقع پر بیان جاری کیا ہے۔ ایک بیان میں، پنجاب پولیس کے حکام نے مار پیٹ کو "معمولی واقعہ" قرار دیا۔ اس میں یہ بھی کہا گیا کہ فوج اور پولیس کے درمیان تصادم "غلط تاثر" بنانے کے لیے پیدا کیا گیا تھا۔
بیان کے مطابق سوشل میڈیا پر غیر مصدقہ باتیں وائرل ہونے کے بعد دونوں اداروں کی طرف سے فوری جوائنٹ انوسٹی گیشن کی گئی جس میں دونوں اداروں کے افسران نے تمام حقائق کا جائزہ لیا اور معاملے کو خوش اسلوبی سے حل کر لیا۔
بیان میں مزید کہا کہ پاک فوج اور پنجاب پولیس دہشت گردوں، شر پسندوں اور خطرناک مجرموں کو کیفر کردار تک پہنچانے کے لئے پورے صوبے میں مشترکہ کارروائیاں جاری رکھے ہوئے ہیں، عوام سے درخواست ہے کہ وہ سوشل میڈیا کے جعلی پراپیگنڈے پر کان نہ دھریں۔
تاہم واقع میں ملوث فوجیوں کو کیا سزا دی جائے گی، اس حوالے سے جاری بیان میں کوئی ذکر نہیں۔
— Punjab Police Official (@OfficialDPRPP) April 10, 2024
