رواں سال 2021 عیسوی، کا پہلا سورج گرہن 10 جون کو ہوگا لیکن اسے پاکستان میں نہیں دیکھا جاسکےگا۔
ماہر فلکیات اور ڈائریکٹر انسٹیٹیوٹ آف اسپیس سائنس اینڈ ٹیکنالوجی جامعہ کراچی پروفیسر ڈاکٹر جاوید اقبال کے مطابق سورج گرہن روس،گرین لینڈ، شمالی کینڈا، شمالی ایشیا،یورپ اور امریکا میں دیکھا جاسکےگا۔
سورج گرہن پاکستانی وقت کے مطابق دوپہر 1 بجکر 12 منٹ پر ہوگا، 3 بجکر 42 منٹ پر سورج گرہن اپنے عروج پر ہوگا جب کہ 4 بجکر 34 منٹ پر سورج گرہن ختم ہوجائےگا۔
ماہرفلکیات ڈاکٹر جاوید اقبال کا کہنا ہےکہ سورج گرہن کے دوران رنگ آف فائر دیکھا جاسکے گا۔
