Photo" VOA News
برطانیہ کے بعد امریکا نے بھی اپنے شہریوں کو فوری افغانستان سے نکلنے کی ہدایت کردی۔
افغانستان میں امریکی سفارتخانے نے افغانستان میں مقیم اپنے شہریوں کو افغانستان فوری طورپر چھوڑنے کے احکامات جاری کیے ہیں۔
افغانستان کی بگڑتی صورتحال کے سبب برطانوی حکومت نے بھی گذشتہ دنوں اپنے شہریوں کو افغانستان چھوڑنے کی ہدایت کی تھی۔
افغانستان میں امریکی سفارتخانے نے سکیورٹی الرٹ جاری کرتے ہوئے کہا ہےکہ افغانستان میں مقیم امریکی شہری فوری دستیاب کمرشل پروازوں سےجلد ازجلد افغانستان سے نکل جائیں۔
سفارتخانے نے کہا ہے کہ کمرشل پروازوں کےٹکٹ نہ خرید سکنے والوں کو قرضہ بھی فراہم کیاجائےگا۔
سفارتخانے نے کہا ہےکہ امریکی شہری سیف ٹریولر انرولمنٹ پروگرام (STEP) میں اندراج کرائیں تاکہ سکیورٹی اپ ڈیٹس اور ایمرجنسی میں سفارتخانےسے رابطہ ممکن بنایاجاسکے، مستقبل میں سرکاری انخلا کی پرواز کی صورت میں امریکی شہریوں کو مطلع کردیا جائےگا۔
خیال رہے کہ افغانستان سے امریکی افواج کے انخلا کے اعلان کے بعد سے ہی طالبان کی پیش قدمی جاری ہے اور انہوں نے متعدد اضلاع پر قبضہ کرلیا ہے۔
