کراچی: پاکستان ٹیلی کمیونیکیشن کمپنی (پی ٹی سی ایل) نے پاکستان میں انٹرنیٹ کی سپیڈ کم ہونے پر بیان جاری کیا ہے۔ پی ٹی سی ایل کی جانب سے بیان میں کہا گیا ہے کہ پاکستان سے افریقا جانے والی سب میرین کیبل کٹنے سے انٹرنیٹ سروسز متاثر ہوئیں۔
پی ٹی سی ایل کی جانب سے جاری بیان میں کہا گیا ہےکہ کیبل کٹنے پر متبادل بینڈوڈتھ کا بندوبست کیا ہے اور اگلے چند دن میں مزید بینڈوڈتھ شامل کی جائے گی۔
پی ٹی سی ایل کا کہنا تھا کہ اگلے چند دن انٹرنیٹ سروس معمولی متاثر رہنے کا امکان ہے۔
ذرائع کے مطابق سی ایم وی 4 کیبل کٹنے سے ملک میں انٹرنیٹ اسپیڈ میں ایک ٹیرا بائٹ کمی ہوئی ہے جس سے انٹرنیٹ کی رفتار میں بھی کمی واقع ہوئی ہے۔
