شیخ محمد بن زاید النہیان متحدہ عرب امارات کے نئے صدر منتخب ہوگئے ہیں۔
متحدہ عرب امارات کی سپریم کونسل نے شیخ محمد بن زاید النہیان کے صدر منتخب ہونے کا اعلان کیا۔
61 سالہ شیخ محمد بن زاید النہیان متحدہ عرب امارات کے تیسرے صدر ہیں جو پانچ سال کے لیے صدر منتخب ہوئے ہیں، انہیں ان کے بھائی شیخ خلیفہ بن زاید النہیان کے انتقال کے بعد یو اے ای کا صدر منتخب کیا گیا ہے۔
شیخ محمد بن زاید النہیان 2004 سے ابو ظبی کے ولی عہد تھے اور وہ ابوظبی کے 17 ویں حکمراں ہوں گے۔
