متحدہ عرب امارات (یو اے ای) کے صدرشیخ خلیفہ بن زاید النہیان 73 سال کی عمر میں انتقال کرگئے۔
متحدہ عرب امارات نے خلیفہ بن زاید النہیان کے انتقال پر 40 روزہ سوگ کا اعلان کیا ہے۔
میڈیا رپورٹس کے مطابق شیخ خلیفہ بن زایدالنہیان کے انتقال پر40 روز کےسوگ کے ساتھ 3روز کی عام تعطیل بھی ہوگی جب کہ اس دوران قومی پرچم سرنگوں رہے گا۔
صدارتی اعلان میں کہا گیا ہےکہ وفاقی سرکاری اور نجی شعبے میں تین دن تک تعطیل رہے گی۔
شیخ خلیفہ بن زاید النہیان 3 نومبر 2004 سے متحدہ عرب امارات کے حکمران تھے اور انہوں نے اپنے والد شیخ زاید بن سلطان آلنہیان کی وفات کے بعد یواےای کی قیادت سنبھالی تھی۔
وزیراعظم پاکستان شہباز شریف مختلف عالمی رہنماؤں نے شیخ خلیفہ بن زید النہیان کے انتقال پر گہرے دکھ اور افسوس کا اظہار کیا ہے۔
