سری لنکا میں پیٹرول کا ذخیرہ ختم

 

سری لنکا میں  لوگ پیٹرول لینے کے انتظار میں پیٹرول اسٹیشن پر بیٹھے ہیں

بدترین معاشی مشکلات میں گھرے  سری لنکا میں اب پیٹرول کا ذخیرہ بھی  ختم ہوگیا ہے۔ ملک میں صرف ایک دن کے استعمال کا پیٹرول کا ذخیرہ ہے۔

 سری لنکن وزیراعظم رانیل وکرما سنگھے نے قوم سے خطاب میں کہا کہ ملک میں صرف ایک دن کیلئے پیٹرول کا ذخیرہ ہے اور معیشت ایک خطرناک صورتحال میں ہے، آنے والے مہینوں میں مزید مشکلات کا سامنا کرنا پڑ سکتا ہے، سری لنکا کو ضروری درآمدات کیلئےفوری طور پر 75 ملین ڈالر کی ضرورت ہے، ملک میں 14 ضروری ادویات کی کمی ہے اور ادویات کیلئے فوری ادائیگیاں کرنے کی ضرورت ہے جب کہ  سرکاری تنخواہوں، ضروری اشیاء کی ادائیگی کیلئے پیسے چھاپنا جاری رکھنا ہوگا۔

سری  لنکن وزیراعظم کا کہنا تھا کہ سری لنکن ائیر لائنز کی نجکاری کرنے کی بھی تجویز زیر غور ہے، آگے آنے والے  مہینے مشکل ترین ہوں گے، قوم کوقربانیاں دینے اورچیلنجز کاسامنا کرنے کیلئے خود کو تیار کرنا ہوگا۔