کراچی: محکمہ تعلیم سندھ نے صوبے میں بارشوں اور سیلاب کی صورت حال کے پیشِ نظر تمام تعلیمی ادارے مزید 2 روز بند رکھنےکا اعلان کیا ہے۔
محکمہ تعلیم سندھ کا کہنا ہے کہ سندھ بھر میں 26 اور 27 اگست کو سرکاری و نجی اسکول اور کالج بند رہیں گے، موسم کی صورت حال کے پیش نظر مزید تعطیلات کا فیصلہ کیا گیا ہے، فیصلے کا اطلاق سندھ بھر کے تمام نجی و سرکاری اسکولوں اور کالجوں پر ہوگا۔
صوبائی وزیر تعلیم سردار شاہ کا کہنا ہےکہ سندھ کےکئی اضلاع میں اب بھی سیلابی صورت حال ہے، سندھ کے بیشتر اسکولز اور کالجز زیر آب ہیں، اسکولز اور کالجز متاثرین کے ریلیف کیمپس میں بھی تبدیل کیےگئے ہیں۔
واضح رہےکہ 24 اور 25 اگست کو بھی صوبے میں بارشوں کی پیشگوئی کے باعث تعلیمی ادارے بند رکھنےکا اعلان کیا گیا تھا ۔
