اسلام آباد: وفاقی حکومت نے تاجروں سے بجلی کے بلوں میں عائد ٹیکس وصولی ختم کرنے کا فیصلہ کیا ہے۔
جیو نیوز کی خبر کے مطابق، تاجروں کے بجلی کے بلوں کے ساتھ ٹیکس وصولی ختم کرنے کا فیصلہ ن لیگ کی سینئر قیادت کے کہنے پر کیا گیا ہے۔
بجلی بلوں کے ساتھ ٹیکس وصولی سے سالانہ 30 ارب روپے کا ٹیکس حاصل ہونا تھا تاہم اب 30ارب روپے کا اضافی ٹیکس دوسرے شعبوں پر مزید ٹیکس لگا کر پورا کرنے کا فیصلہ کیا گیا ہے ۔
ایف بی آر ذرائع کا کہنا ہےکہ دوسرے شعبوں پر ٹیکس صدارتی آرڈیننس کے ذریعے لگایا جائے گا۔
