اقوام متحدہ کے سیکرٹری جنرل انٹونیو گوتریس اگلے ہفتے پاکستان کا دورہ کریں گے۔
اقوام متحدہ کے ترجمان کے مطابق سیکرٹری جنرل 9 ستمبر کو اسلام آباد پہنچیں گے۔ سیکرٹری جنرل سیلاب سے متاثرہ علاقوں کا دورہ کریں گے۔
دوسری جانب اقوام متحدہ کے سیکرٹری جنرل نے پاکستان کیلئے 160 ملین ڈالر کی ہنگامی امداد کی عالمی اپیل کی ہے اور کہا کہ دنیا کو موسمیاتی تبدیلی کے ہاتھوں کرہؑ ارض کی تباہی کی جانب نیند میں چلنا بند کرنا ہوگا۔
ان کا کہنا تھا کہ آج جو پاکستان کے ساتھ ہورہا ہے، کل کسی اور ملک کے ساتھ بھی ایسا ہو سکتا ہے اور پاکستان کا شمار موسمیاتی تبدیلی کے خطرات سے سب سے زیادہ دوچار ممالک میں ہوتا ہے۔
