پاکستان بمقابلہ انگلینڈ ٹی ٹوئنٹی سیریز: پاکستان نے انگلینڈ کو دوسرے ٹی ٹوئنٹی میں شکست دیکر پچھلی ہار کا بدلہ لے لیا۔
بابر اعظم کی سنچری اور رضوان کی شاندار اننگز کی بدولت، پاکستان نے 200 رنز کا ہدف آخری اوور میں پورا کرکے انگلینڈ کے خلاف 10 وکٹوں سے کامیابی حاصل کی اور سیریز ایک ایک سے برابر کردی۔
Clinical! 💪
— Pakistan Cricket (@TheRealPCB) September 22, 2022
Pakistan win by 1️⃣0️⃣ wickets 🙌#PAKvENG | #UKSePK pic.twitter.com/R4sYWL2BWt
بابر اعظم 110 اور رضوان 88 رنز بناکر ناقابل شکست رہے۔ بابر اعظم نے 62 بالز پر 100 رنز بناکر سنچری مکمل کی۔
بابر اعظم ٹی ٹوئنٹی انٹرنیشنلز میں دو سنچریاں بنانیوالے پہلے پاکستانی بن گئے۔اس سے قبل انہوں نے جنوبی افریقا کیخلاف 122 رنز کی اننگز 2021 میں کھیلی تھی۔
SIMPLY. THE. BEST. 🌟
— Pakistan Cricket (@TheRealPCB) September 22, 2022
First Pakistan batter to score two T20I 💯s 👏#PAKvENG | #UKSePK pic.twitter.com/tOlgU4uW0H
پاکستان کی جانب سے بابر اعظم سب سے زیادہ نصف سنچریوں کا ریکارڈ بھی رکھتے ہیں۔ اس کے علاوہ بابر پاکستان کی جانب سے سب سے زیادہ انٹرنیشنل سنچریاں بنانے والے کپتان بھی بن گئے، بحیثیت کپتان ان کی سنچریوں کی تعداد 10 ہے جبکہ انضمام الحق 9 سنچریوں کے ساتھ اس فہرست میں دوسرے نمبر پر ہیں۔
نیشنل اسٹیڈیم کراچی میں کھیلے گئے میچ میں انگلینڈ کے کپتان معین علی نے ٹاس جیت کر پہلے بیٹنگ کرنے کو ترجیح دی ۔
پاکستان کے خلاف انگلینڈ کا آغاز اچھا رہا، دنوں اوپنرز کے درمیان 42 رنز کی شراکت داری قائم ہوئی لیکن پھر ایلکس ہیلز 21 گیندوں پر 26 رنز بناکر دھانی کی گیند پر بولڈ ہوگئے۔
انگلینڈ کو دوسرا نقصان 42 کے مجموعی اسکور پر ہی اٹھانا پڑا، ڈیوڈ ملان پہلی کی گیند پر دھانی کی گیند پر بولڈ ہوئے۔پاکستان کو تیسری کامیابی فل سالٹ کی صورت میں ملی، وہ 27 گیندوں پر 30 رنز بناکر پویلین لوٹے۔اس کے علاوہ بین ڈکٹ 43 اور ہیری بروک 31 رنز بناکر آؤٹ ہوئے۔
تاہم اختتامی اوورز میں کپتان معین علی نے جارحانہ اننگز کھیلی اور ٹیم کا اسکور مقررہ 20 اوورز میں 199 تک پہنچایا، وہ 23 گیندوں پر 55 رنز بناکر ناٹ آؤٹ رہے۔
پاکستان کی جانب سے شاہنواز دھانی اور حارث رؤف نے 2،2 وکٹیں حاصل کیں جبکہ محمد حسنین سب سے مہنگے بولرز ثابت ہوئے، انہوں نے4 اوورز میں بغیر کسی وکٹ کے 51 رنز دیے۔
واضح رہے کہ آج پاکستان کی جیت کے ساتھ سیریز ایک ایک سے برابر ہوگئی، پہلے میچ میں انگلش ٹیم نے گرین شرٹس کے خلاف 6 وکٹوں سے کامیابی سمیٹی تھی۔
واضح رہے کہ 7 ٹی ٹوئنٹی میچز کی سیریز کے چار میچز کراچی اور تین لاہور میں ہوں گے۔
انگلینڈ ٹیم کے کپتان جوز بٹلر انجری کی وجہ سے کراچی میں ہونے والے میچز میں شرکت نہیں کرسکیں گے، اس دوران کپتانی کے فرائض معین علی انجام دیں گے۔
پاکستان اور انگلینڈ کے درمیان تیسرا ٹی ٹوئنٹی کل نیشنل اسٹیڈیم کراچی میں کھیلا جائے گا۔
پاکستان کے شائقین پاکستان بمقابلہ انگلینڈ کے میچز درج ذیل چینلز پر براہراست دیکھ سکتے ہیں:
PTV Sports
A Sports
ARY ZAP Mobile App (Android) (iOS)
