ایم کیو ایم کے کامران خان ٹیسوری کو سندھ کا نیا گورنر تعینات کردیا گیا۔
صدر مملکت ڈاکٹر عارف علوی نے محمد کامران خان ٹیسوری کی بطور گورنر سندھ تعیناتی کی منظوری دے دی۔
ایم کیو ایم کی جانب سے گورنر سندھ کے لیے کامران ٹیسوری کا نام دیا گیا تھا جس کی منظوری دے دی گئی۔
واضح رہے کہ گورنر سندھ کا عہدہ پاکستان تحریکِ انصاف کی جانب سے بنائے گئے گورنر عمران اسماعیل کے استعفے کے بعد سے خالی تھا اور سندھ اسمبلی کے اسپیکر آغا سراج درانی قائم مقام گورنر کی ذمہ داری نبھا رہے تھے۔
