کراچی: لیڈی کانسٹیبل کی ٹک ٹاک پر وائرل ہونے والی ویڈیو کا ڈی آئی جی ساؤتھ نے نوٹس لیتے ہوئے خاتون کو معطل کردیا۔
ڈی آئی جی ساؤتھ سید اسد رضا نے ایس ایس پی ساؤتھ سے لیڈی کانسٹیبل کی رپورٹ طلب کرلی ہے۔
ڈی آئی جی ساؤتھ کا کہنا ہےکہ پولیس پروفیشنل ادارہ ہے، ایسے غیر ذمہ دارانہ فعل کی اجازت نہیں دی جاسکتی۔
خیال رہےکہ انٹرنیٹ پر سندھ پولیس کی خاتون کانسٹیبل کی ویڈیو وائرل ہوئی تھی جس میں ماریہ نامی خاتون کانسٹیبل نے دوران ڈیوٹی ناصرف اپنی لوکیشن بتائی بلکہ صارفین کو دعوت بھی دی کہ اگر کوئی ملنا چاہتا ہے تو اس جگہ آکر مجھ سے مل سکتا ہے، کانسٹیبل ماریہ گزری تھانے میں تعینات تھی۔
