 |
| فلم انورا نے بہترین ڈائریکٹر اور بہترین اداکارہ کا ایوارڈ بھی جیت لیا |
ہالی وڈ فلم ’انورا‘ نے آسکر ایوارڈ میں بہترین فلم کا ایوارڈ جیت لیا۔
97 ویں آسکر ایوارڈز کی تقریب کا انعقاد گزشتہ روز امریکی شہر لاس ینجلس کے ڈولبی تھیٹر میں کیا گیا ۔
سب سے زیادہ آسکر ایوارڈ جیتنے والی فلم ’انورا‘ کو بہترین فلم، بہترین ہدایت کار، بہترین اداکارہ، بہترین ایڈیٹنگ اور بہترین اوریجنل اسکرین پلے کی کیٹیگری میں ایوارڈز سے نوازا گیا۔
اداکارہ مائکی میڈیسن کو فلم انورا میں اداکاری پر بہترین اداکارہ کا ایوارڈ دیا گیا۔
آسکرز کی 23 مختلف کیٹیگریز کے لیے ہونے والے مقابلوں میں 5 کیٹیگریز میں فلم ’انورا‘ 3 کیٹیگریز میں فلم ’دی بروٹلسٹ‘ جبکہ فلم ’وکڈ، امیلیا پیرز‘ اور فلم ’ڈیون پارٹ ٹو‘ نے 2، 2 کیٹیگریز میں ایوارڈز اپنے نام کیے۔
دوسری جانب ایڈرین بروڈی کو بہترین اداکارکا ایوارڈ فلم ’دی بروٹلِسٹ’ میں اداکاری پر دیاگیا۔
