 |
| گورنر پنجاب بلیغ الرحمان نے چوہدری پرویز الٰہی سے حلف لینے سے معذرت کرلی جس کے بعد صدر مملکت نے چوہدری پرویز الٰہی حلف لیا۔ |
اسلام آباد: ایوانِ صدر میں وزیر اعلیٰ پنجاب پرویز الٰہی کی تقریب حلف برداری کی تقریب ہوئی، جہاں صدرِ مملکت نے پرویز الٰہی سے حلف لیا۔
واضح رہے کہ گورنر پنجاب کی جانب سے حلف لینے سے انکار کردیا تھا جس کے بعد صدر مملکت عارف علوی مسلم لیگ ق کے رہنما چوہدری پرویز الٰہی سے حلف لیا۔
اس سے قبل چوہدری پرویز الٰہی حلف برداری کے لیے خصوصی طیارے کے ذریعے لاہور سے اسلام آباد پہنچے تھے۔
یاد رہے کہ سپریم کورٹ نے ڈپٹی اسپیکر رولنگ کیس میں پرویز الٰہی کی درخواست منظور کرتے ہوئے پنجاب اسمبلی کے ڈپٹی اسپیکر دوست مزاری کی رولنگ کالعدم قرار دے دی ۔
سپریم کورٹ نے پرویز الٰہی کو وزیراعلیٰ پنجاب قرار دیا اور گورنر پنجاب کو گزشتہ رات ہی ساڑھے 11 بجے تک ان سے حلف لینے کا حکم دیا تھا لیکن تاہم گورنر پنجاب بلیغ الرحمان نے چوہدری پرویز الٰہی سے حلف لینے سے معذرت کرلی جس کے بعد صدر مملکت نے چوہدری پرویز الٰہی حلف لیا۔
