وفاقی وزیر خزانہ مفتاح اسماعیل کا کہنا ہے کہ پاکستان مشکلات سے نکل گیا اب ڈیفالٹ(دیوالیہ) ہونے کا کوئی خطرہ نہیں۔
غیر ملکی خبر رساں ادارے 'بلوم برگ' کو انٹرویو میں وفاقی وزیر خزانہ مفتاح اسماعیل کا کہنا تھا کہ سخت اقدامات سے جولائی میں درآمدات 35 فیصد کم ہوئیں، روپے پر دباؤ کم ہوگا، قیمتوں میں اضافے سے بھی طلب کم ہوئی۔
مفتاح اسماعیل کا کہنا تھا کہ پاکستان تمام بیرونی ادائیگیاں وقت پرکرےگا، درآمدات میں کمی سے جاری کھاتوں کے خسارے میں کمی ہوگی، قیمتوں میں اضافہ آئی ایم ایف سے قرض حصولی کے لیےکیا گیا۔
ان کا مزید کہنا تھا کہ آئی ایم ایف پروگرام سے قرض واپسی کی ادائیگیوں میں آسانی ہوگی۔
